KAKTUS
(circa 2007)
Taliwala sa kawalugan
usa ka kaktus nga gamay
ang migimaw nga daw hara;
mipasigarbu sa kalunhaw
labaw sa kapatagan'g buluk
ug sa kuruna nga tunuk
wala'y sama kaha-it.
Wala'y bu-ut mu-ibut, mukuput
sa dili sarang nga tanum
kay sa paghikap, ang kasakit
mahi-agum ug sa paggunit
daw silut sa gadugu'ng kamut.
Apan sama sa milagru
nga gihimugsu sa langit,
mitumaw ang kaputli,
sa alirung sa mga tunuk-
sinalipdan ang usa ka
halandun'g bulak-
nagpahipi nga mipahiyum,
madasigun sa kahilum.
(for Patty Marie Renopal)
No comments:
Post a Comment